Ենթադրում է հիմնականում աշխատանք մարդկանց հետ և մասնագիտական աշխատանքից բխող մշտական շփումներ: Այս տիպի մասնագետները պետք է կարողանան գործնական հարաբերություններ հաստատել մարդկանց հետ և պահպանել այն, հասկանալ նրանց, ազդեցություն գործել մարդկանց վրա` ցուցաբերելով համբերատարություն, բարյացկամություն, մեծահոգություն: Այսպիսի մասնագետների համար մշտապես պետք է հաճելի լինի շփումը մարդկանց հետ:

Ենթադրում է աշխատանք, որը կապված է բնության երևույթների և օրգանիզմների հետ: Այսպիսի մասնագետները հոգ են տանում բուսականության և կենդանիների մասին և կատարում են մի շարք աշխատանքներ, որոնք կապված են դրանց խնամքի, զարգացման ու բազմացման հետ: Այս մասնագետների աշխատանքի օբյեկտ են հանդիսանում կենդանիները, բուսականությունը, միկրոօրգանիզմները: Նրանց անհրաժեշտ է համբերատարություն անհարմարավետ պայմաններում աշխատելու համար:

Ենթադրում է այնպիսի աշխատանք, որն առնչվում է տարատեսակ մեքենաների, մեխանիզմների, սարքերի հետ: Այսպիսի մասնագիտությունները կապված են տեխնիկական միջոցների ստեղծման, մոնտաժման, հավաքման, փորձարկաման, շահագործման հետ:

Մարդ - գեղարվեստական կերպարի գործունեությունն անվանում են ստեղծագործություն: Այն համարվում է մտքի, ճանաչողական, հոգևոր և պրակտիկ գործունեության արդյունք: Մասնագետներին անհրաժեշտ է գեղարվեստական ճաշակ, վառ երևակայություն:

Մարդ - նշանային համակարգ կերպարն առանձնանում է իր թվերի, նիշային պատկերումների, կոդերի, սիմվոլների, տեքստերի արտահայտմամբ: Այս տիպին են դասվում այն մասնագիտությունները, որոնք ենթադրում են աշխատանք թվերի, բանաձևերի, աղյուսակների, գծագրերի, դրանց ստեղծման, հետազոտության և կիրառման հետ: