SWOT

Ձեզանից շատերը ծանոթ են SWOT բիզնես վերլուծության, ռազմավարական պլանավորման մեթոդին, որը գնահատվում է կամ վերլուծվում է չորս գործոններով.

• Strengths (ուժեղ կողմեր),
• Weaknesses (թույլ կողմեր),
• Opportunities (հնարավորություններ, հեռանկարներ),
• Threats (ռիսկեր):

SWOT վերլուծությունը ոչ միայն կարելի է կիրառել բիզնեսի մոդելավորման, ռազմավարական ծրագրերի պլանավորման համար այլև անձի ինքնաճանաչման/ ինքնաբացահայտման գործընթացում: SWOT վերլուծությունը կարող է օգնել ձեզ ինչպես կյանքի տարբեր ոլորտներում, այնպես էլ, կարիերայի զարգացման գործընթացում: SWOT վերլուծությունը հնարավորություն կտա անձին հավաքագրել սեփական անձի մասին համակարգային տեղեկատվություն:

Ուժեղ կողմերը (S) բնորոշում են անձնային որակները, որոնք գնահատելի և շոշափելի են կարիերայի/ մասնագիտական ​​պլանավորման ուղում: Այս ամենը կարող է ներառել հիմնական իրավասությունները, ինչպիսիք են տեխնիկական գիտելիքներն ու հմտություններ, կարողությունները, եթե այդ հմտությունները փոխանցելի են կամ բնածին. պետք է նաև ներառվի փորձը և կրթությունը: Այս բաղադրիչում պետք է առանձնացնել նաև այն անձնային որակներն ու առանձնահատկությունները, որոնք կարող են առավելություններ տալ որևէ մեկին, ինչպիսիք են, լարված իրավիճակում աշխատելու ունակություն, նորարարական կամ ստեղծագործական մտածողություն և այլն:

Թույլ կողմերը (W) բնորոշում են այն անձնային որակները, որոնք կարող են դիտվել որպես վնասակար, իր համար հաջողության խոչընդոտներ, ինչպիսիք են անվճռականությունը կամ անկայունությունը: Թույլ կողմ կարելի է դիտարկել աշխատանքային փորձի պակասը կամ չիմացությունը, հատկապես եթե դա մեծ ազդեցություն ունի աշխատանքային գործընթացում:

Հնարավորությունները (O) վերաբերում է նոր պայմաններին/ գործողություններին, որոնք օգտակար են անձի ինքնազարգացմանը և ինքնաիրացմանը: Դրանք կարող են ներառել նորարարություն կամ ռազմավարական միտումներ: Նոր հնարավորություն է անձի ուժեղ կողմերի համադրմամբ զարգացնել թույլ կողմերը: Հնարավորությունները կարող են ներառել, մեզ համար անհրաժեշտ և արժեքավոր հմտությունների վերանայմանը և սահմանմանը, որ անձին դրդում է նոր հնարավորությունների որոնմանը, սոցիալական ցանցի ստեղծմանը:

Ի՞նչ առավելություններ ունեմ, (օրինակ՝ հմտություններ, ունակություններ, հավաստագրեր, կրթություն և այլ): Ի՞նչն եմ ես բոլորից լավ անում: Որո՞նք են իմ ամենամեծ հաջողությունները: Որո՞նք են իմ արժեքները:	Ի՞նչ առաջադրանքներից եմ սովորաբար խուսափում` վստահ չլինելով, որ կկարողանամ կատարել դրանք: Որո՞նք են իմ բացասական սովորությունները (մշտական ուշացումներ, անկազմակերպվածություն, կոնֆլիկտայնություն և այլ): Որո՞նք են այն հմտությունները որոնց բացակայությունը կարող է խոչընդոտ հանդիսանալ: Որո՞նք են միջավայրի և աշխարհագրական դիրքի բացասական ազդեցությունները:
Ի՞նչ նոր տեխնոլոգիաներ կան, որ կարող են ինձ օգտակար լինել: Ովքե՞ր կարող են ինձ օգնել կամ խորհուրդներ տալ: Ինչպիսի՞ ձախողումներ եմ ունեցել և ինչպե՞ս եմ հաղթահարել դրանք: Որո՞նք են միջավայրի և աշխարհագրական դիրքի դրական ազդեցությունները:	Ի՞նչ խոչընդոտների կարող եմ հանդիպել շրջապատում: Յուրաքանչյուր թույլ կողմ կամ հնարավորություն ի՞նչ ռիսկ կարող է բերել իր հետ: Ի՞նչն է անվերահսկելի ինձ համար: Ո՞ր գործոններն են մրցակցության մեջ անհաղթահարելի:

Պահպանել